بجد زهقت وتعبت
يمكن من الناس
يمكن من اللى بشوفه من أفعال
كلها مصبوغة بأخلاق هذا الزمان
فبقيت بحس ان اللى بيحصل عادى وانى انا اللى غلط
وحدتى مبقيتش بلاقى ليها سبب
غير انى مش قادر افهم الناس
ويمكن اللى حواليه مش قادرين يفهمونى
العيب فيه ولا فى المجتمع ؟؟؟؟
سؤال هيجننى
يعنى الواحد لو حاول يشتغل ويغير حياته لازم يبقى شغلانه
تحرق الأعصاب وتضيع الوقت عشان البلد والناس ترتاح ويعترفوا بيها
لو شغلانه تانية مش هيعجبهم
لازم يعنى يقتنعوا بالشغل اللى انا فيه
انا حاليا شغال فى الانترنت وتطوير المواقع وادارة وحماية السيرفرات
كل اما اكلم حد احس انى بقعد العب عالنت وان النت كله لازم يبقى بورنو
وانه رجس من عمل الشيطان
أحاول أفهم الناس
أبدا لاحياة لمن تنادى
لازم أبقى على كيفهم عشان يعجبهم
مش عارف
تعبت وزهقت
من الشغل والحياة ومن اى حاجة ممكن الواحد يفكر انه يعملها
وأرجع ألف وأسأل نفسى سؤال
ياترى إيه الحال لو انا قعدت لوحدى
وأفوق وأقول لنفسى إن الحياة مش هتتغير بأى حال من الأحوال
أكيد مش هيبقى فى مظاهرة فى حب سعادتك تعطل المرور فى ميدان التحرير
ولا هيبقى فى حد بيسأل ويعرف مالك او فى إيه يمكن تكون حصلك حاجة
مش عارف
لكن أرجع واحاول أشوف الناس اللى حاولت أرتبط بيهم وأكمل حياتى معاهم
ألاقى انى مكنتش عايز اى حاجة من حد ولا كنت مزعل حد فى حاجة
ولكن يمكن ظروفهم اللى بتبعدهم عنى
؟
يمكن عشان هما مش قادرين يحافظوا عليه ؟؟
يمكن عشان أنا اللى غلط من الأساس
مش عارف
مش عارف فى إيه
يعنى حتى اللى يقول كلمة حلوة ويقول انا لك على طول بقت مش حقيقة
مبقاش فيها لمحة صدق :(
مش عارف في ايه ؟؟؟
ازاى انا مثلا لو انا ابقى مرتبط بحد ما اصدق ان فى خلاف بسيط حصل بينا واسيبه وامشى وارتبط تانى ؟؟؟
كما قال المثل
قالى الوداع وانا قلت إشطة :'(
لا معنى للحياة فى نظرى ولا للحب بعد الآن
Over
