بحس برعشة غريبة فى كل جسمى لما بحاول اتصل بشخصية عارف انها مش هترد
وعارف انها ممكن تكسر التوقعات وترد
رعشة أحيانا بتخلينى أبقى هتجنن وافضل فى حالة غبية وغريبة من التردد والحزن والغضب والشوق والافتقاد
رعشة بجد بتخلينى أفكر
هوا أنا بحب فعلا ؟؟؟؟
مش عارف ليه الفكرة تبان انها مستحيلة او بعيدة
بس يمكن دى الحقيقة
الرعشة اللى لسه مستمرة برغم انى سيبت التليفون ومحاولتش اتصل تانى
مانع نفسى بالعافية عشان مخنقش الطرف التانى واديها فرصة تتصل لوحدها
مخليانى عايز ازعق بعلو صوتى وبكل ما فيا من طاقة
وفى نفس الوقت اكون فى حالة من الخمول والهدوء والصمت والسكون تدفعنى لأولى درجات النوم
مش عارف
تعبت بجد
مش عارف امتى هينتهى كل دا
No comments:
Post a Comment