بتبقى مخنوق ان الامور مش ماشية فى نصابها الطبيعى
لما بنزل الجامعة بقى بحس بالوحدة فعلا بحس انى فى عالم تانى مختلف عن التقاليد والقيم اللى اتربيت عليها
مش عارف ليه كل اما ابص حواليا الاقى حاجة مش تمام
يعنى مثلا اما تلاقى شاب راجل مكتمل الرجولة ولابس لبس ميليقش ببنت
انا نفسى لو شفته على بنت هحس انها هبلة
لكن للاسف بتحصل انسيد الرجالة كمان لابس سلسلة وماشى يتهز ولا البنات
تعمل ايه بقى انته فى الحالة دى
اوعى حد يقولى انصحه
ويحصل برده انك تبقى ماشى تلاقى بنات وشباب جايين من بدرى وقاعدين لاخر النهارد فى نفس المكان لسبب واحد
لعب الكوتشينه والورق
ببقى عايز اقولهم بقى انتم كدا مبسوطين باللى انتم فيه
مبسوطين بالتوهان والغياب عن العالم
وانكم مش حاسين باى حاجة
متلاقيش حتى واحد فيهم قال انه يروح يشتغل بدل الارف اللى بيعمله دا
لكن تعمل ايه
ببقى عايز على راى مدون بقراله كتير انى اشد عليهم السيفون
اه والله
من الخنقة.وبقول بينى وبين نفسى مادام الوضع وصل لكدا هما مستمرين ليه؟؟؟
تايهين ليه؟؟؟؟؟
وتبص فى جمب تانى وانته ماشى تلاقى ولد وبنت قاعدين تحت الشجرة وماسكين ايد بعض ومسبلين لبعض
مش عارف ليه او دا ايه معناه
بحس وانا ماشى وانا كمان فى المدرج انى فى كافيتيريا بس كبيرة شوية
تعالى نبص فى الكافتيريات او الطرقات هتلاقى لبس البنات والشباب يغيظ اكتر
لبس خليع وحركات تحس انك متغاظ او هتطق دا اذا مكنتش انضميتا للعباسية فعلا :)قرفان
تحس انهم فى رحلة وناقصهم ترمس شاى وحاجة ساقعة وكورة بلاستيك :)
دا اذا مكانش معاهم اصلا كل واحد كانز حاجة ساقعة
تعالوا معايا نبص فى المدرج هتلاقى حاجات غريبة انا نفسى ببقى هتشل
لما ببص وبلاقى شلل هنا وهناك وفى كل مكان ولكن للاسف برده تايهين خالص
تلاقى والدكتور بيشرح جماعة ماسكين الموبايل ومشغلين اغانى بصوت عالى
بيحسسونى ان الدكتور شغال عندهم
بل بالعكس هم فى امس الحاجة اليه
لكن تعمل ايه
وتلاقى شباب تانين قاعدين يبعتوا حاجات بالبلوتوث
وبرده حاجة تغيظ
وجماعة تانين برده قاعدين فى جو رومانسى وشاعرى بعيدا عن الدكتور وماسكين ايد بعض
يا سلام قمة الجهل والتخلف
فعلشان كدا حاسس بالغربة دايما وبانى انا كمان تايه فى الجامعة
وبصراحة للسبب دا انا مليش اصحاب خالص ولا صداقات
مش معنى كدا انى مكتئب ومعقد
لكن معناه انى برحب بالصداقات بس مش الصداقات اللى تتوه
4 comments:
عجبتنى اوى مدونتك وكلامك الرزين الملتزم
غريب ان فى حد فى سنك ينتقد جيله بهذا الشكل
وصفك جه رائع جدا
وانت لست وحيدا فهؤلاء بعيدون كل البعد عن فكرك وشخصيتك فانت اكبر منهم بمراحل وبالتأكيد ستجد من هم فى مثل عقلك والتزامك
ربنا يوفقك
يارب
من حزنى حابس نفسى فى العباسية ومبخرجش بدون اصدقاء حاليا
يدون اى حاجة وحيدا وصامت زى البنت اللى فى الصورة
شكرا لتعليقك ولاعجابك بالمدونة البسيطة
اتمنى تزورينا تانى
وتمشى على طول لان القعدة فى العباسية كتير خطرررررررر
وعقبال 118 سنة
وكل سة وانتى طيبة
عباسية واحد
السلام عليكم
ازيك يا أبوحميد
بص انت حللت جامعتك كويس قوى
بس مش شايف معايا انك لابس نضاره سودا وانت بتحكم على زميالك
اولا البس نضاره بمبى وبص للدنيا على انها وردى وكده
ثانيا
احمد ربنا على نعمه الإسلام وحاول تصلح فى زمايلك مش تبعد عنهم
انت لقيت اللى يربيك ..غيرك متربى غلط
ع العموم انت انسان طيب وبجد مبسوط لاعاده افتتاح العباسيه
ومنتظر جديدك الشعرى يا بلدياتى
تحياتى
مصطفى
ازيك يا مان اخبارك ايه
محدش شافك من زمان اوى ليه
واحشنا والله
الموضوع بتاعك بيلمس حاجات كتير جوانا بس مملنا اننا نتكلم فيه لان خلاص محدش عايز يسمع عنه حاجه
بس اللى فى ايدينا دلوقتى يا مان اننا ندعى للناس دى بإن ربنا يهديهم يا رب
Post a Comment