الحمد لله
اليوم قرأت على الإنترنت عن خطوبة شخص بحترمه وبقدره جدا
مدون ومدونة
بجد وأنا بقرأ المقال المكتوب أو اخر المقالات فى مدوناتهم كان نفسى أعيط
لكن للأسف الدموع لا تعرف طريقها إلى عيونى
تعرف طريقها إلى قلبى فقط
وجالى السؤال المزمن اللى بسأله لنفسى ؟؟؟
هل هييجى يوم وقلبك يلاقى حد ترتاح له للدرجة دى ؟؟
هل هييجى يوم وتحس بالحب وتحب حد يستاهل حبك دا ويقدر يحافظ عليك وعلى الحب اللى بينكم
مش عارف
الجواب دايما على الأسئلة دى عندى مش عارف
وكأن كل الدنيا بهمومها أقسمت إنها مش هتسيبنى فى حالى أبدا
فى مرة من المرات أحد الأصدقاء قالى :
إنته لو بطلت تبقى حزين ...الحزن مش هيلاقى له صدر حنين فى الدنيا دى
يا ترى فعلا هيكون دا اللى هيحصل ؟؟؟
إنى أفضل ملازم الحزن إلى الأبدا كدا
أو أفضل بدون حب ولا حبيب ؟؟
يا ساتر يارب
ربنا لا يكتبها على حد
من كتر الوحدة اللى بعيش فيها بقيت محتار ودايما فى سؤال ممل بسأله لنفسى
يا ترى ايه اللى ممكن ينسيك الوحدة دى
أنا إرتبطت من قبل كدا وحبيت واتحبيت بس برده كنت بحس بالوحدة
يمكن لان الطرف التانى مكانش بيحبنى بجد
ولا يمكن عشان الطرف التانى مش حاسسنى
ولا ياترى أنا اللى وحيد بالفطرة
مش عارف
لكن أكيد إن شاء الله هعرف فى يوم من الأيام
5 comments:
ان شاء الله تلاقى اللى تملى عليك دنستك وحياتك كلها
على فكرة انا شوفتك علقت عندى فى المدونة القديمة
بس حصل ظروف وغيرت اللينك
بتاعها
http://o0mshmsh0o.blogspot.com/
دده الليك الجديد
ياريت تزورنى تانى
يارب يا مشمشة يارب
نورتى المدونة
وانا فعلا بزور مدونتك الجدديدة
لكن صراحة معرفش القديمة :$
:D
عباسية
يااه
هى الدنيا وحشه اه بس احنا لازم نععاند فيها
ونقرب من ربنا عشان يصبرنا عليها
وياسيدى الوحده خير من جليس السوء
وان شاء الله هتلاقى البنت اللى تسعدك وتملى عليك دنيتك وتكملوا حياتكم سوا بحب وسعاده
ربنا يا رب يفرحك دايما يا عباسيه
:)
احساس الوحده ده هايموتنا قريب
اهئ اهئ
انا حسة بنفس احساسك
بس مقدرش اكتب بوست زيك كدة
معرفش لية حتي في كتاباتي مش بحس اني حرة بس دايما بحس اني وحيدة
رغم اني بردوا اتحبيت كتير
بس معرفش لية بحس اني وحيدة دايما
وان محدش يستاهلني
مش غرور بس يمكن ملقتش اللي شيفة انة
يستهلني وبجد تعبت من الوحدة فعلا
ربنا يجمعنا باللي يقر اعيننا
زوجة صالحة ليك
وزوج صالح ليا
وان شاء الله مسافرة قريب اعمل عمرة
وهدعيلك
سعيدة اني فضفضت معاك شوية
واني زورت مدونتك
طبعا دة كله كلام في سرك
ومنتظرة الزيارة
تحياتي
روح
Post a Comment